1 post tagged “trivias”

*kumakain ka ba ng aratilis?

*nagpipitpit ka rin ba ng gumamela para gawing soapy bubbles na hihipan mo sa binilog na tanggkay ng walis tingting?
*pinipilit ka ba matulog ng nanay mo pag hapon at di ka papayagan maglaro pag di ka natulog?

*marunong ka magpatintero, saksak puso, langit-lupa, teleber-teleber, doktor quak quak, luksong tinik, taguan, tumbang preso, 1-2-3, hoola hoops, chinese garter, nanay-tatay, taguan, bahay-bahayan, monkey monkey, luto lutuan (na nagdidikdik ka pa ng mga dahon-dahon para gawing gulay kunwari)?

*nawili ka rin ba sa teks (small cards - maliliit pa ung teks nun at itsurang komics ung naka-drawing, di tulad ngaun meron ng mga NBA cards etc).?

*rumerenta ka rin ba ng mga "funny komiks" at ang favorite portion mo dun eh "planet of the apes", at "niknok". eh yung pugad baboy? may koleksyon ka rin ba nun?

*tapos, nangongolekta ka din ng mga goma (rubber band) at nakikipag laban ka sa mga kalaro mo at itinataya nyo iyong mga goma nyo na para ba kayong nagsusugal heheh......tapos may laro din ng holen/jolen (marble balls) at naglalaban din kayo ng kalaro mo at ang laro nyo pa sa jolen/holen eh ganito : may mga limang butas (holes) kayo na hinuhukay sa lupa at kpag na shoot nyo dun sa butas ung jolen mo may chance ka na tirahin o sapulin ang jolen ng kalaro mo habang sasambitin ang ganito - "tamaaaaaan, first base" , ito ay kung unang butas lng ang nahulugan mo.................hanggang sa maubos ang mga holen at goma mo...kaya ikaw kinabukasan iiyakan mo si nanay para bigyan ka ng pambili ng mga yun ulit.....

*eh yung tinatawag na kaha - (ung mga balot ng sigarilyo gaya ng Marlboro, Phillips, More, Champion at HOPE (meron pang ganitong sigarilyo dati). tapos maglalaro kayo ng kalaro mo ng mga naipon mong kaha na gagawin mong pera at ito ang ipang tataya mo sa laban nyong magkalaro. at kung imported ang kaha ng sigarilyo mo mas mahal ang palitan nun. Para sa Marlboro = P100 (local) at P500 (imported), Phillips = P 50, More = P50, Champion = P10 at ang Hope = 0 as in wala syang value, at pagkatapos tinatawag naming ang laban namin na LABASAN at saka meron din kaming laban na kung tawagin eh KALOG - na kung saan ang kalog eh ginagamitan namin ng 3 tansan isa dun sa tansan pamato ko, ang isa sa kalaro at ang isa ay panabla..kinakalog namin un sabay ihahagis ng pataas at bibitawan, kung alin sa mga tansan ang naiba ikaw ang mag uuwi ng itinayang kaha ng kalaro mo....................Naalala ko tuloy ng gamitin ko ung balot ng Jergens na sabon syempre imported at bago sa kanilang paningin..hindi alam ng mga kalaro ko na balot lng un ng sabon..aba't akalain nyong pinalitan nila un ng isang libong halaga na kaha, sa pag aakala nila na balot yun ng imported na kaha ng sigarilyo at syempre wala pang ganung klaseng kaha sa Pinas.......
 
*malupit ka pag meron kang atari o family computer? alam mo ang silbi ng up, up, down, down, left,
right, left, right, a, b, a, b, start.

*at nung elementary ako, mayaman ka kapag nag babaon ka ng hotdog, hamburger , mga malalaking chippy o cheese curls, at kapag nakakabili ka ng softdrinks sa canteen o kaya may baon kang chocolait or Hi-C. at astigin ka din kapag nakakapag baon ka ng kanin na may ulam na tocino, longganisa o kaya porkchop.

*nakakatikim lng ako ng cake, spagetti, hotdog, salad o kaya ice cream kapag merong may bday? tapos laging may lobo ang mga kids na nag bibirthday at nakatali ung mga lobo sa likod ng upuan, na pinamimigay sa amin kapag uwian na (ang usong lobo sa bertdeyan nun eh ung lumilipad, di tulad ngaun meron ng mga lobo na di lumilipad o walang "helium" kaya di lumilipad).

*kilala mo pa ba si Boy George? eh yung kantang "wake me up before you go-go?

*addict ka sa thundercats, bioman, voltes v, mazinger z, daimos, he-man at marami pang cartoons na hindi pa translated sa tagalog?

*nanonood ka ng shaider kasi nabobosohan mo si annie  at type na type mo ang puting panty nya habang bumibigkas ka ng "shaider blaster"?

*eh yung cartoons na flying house na palagi saken pinapanood ng nanay ko kasi may-aral ung mga kwento?eh yung ninja turtles at saka ghost buster alala mo pa?

*natandan mo pa ba yung mga junk foods na reenbee, peewee, milky, at pritos ring? at sa sofdrinks naman yung RC, cheers, sarsi, cosmos at cool aide na pinaka sikat sa mga juices na tinitimpla?hindi ba yung coca- cola noon ang pinaka mahal na sofdrinks?

*tapos bihira kami kumain sa mga food chains like jollibee at mc do kase pang mayaman lng yun. tapos pansin mo ba kapag umorder ka ng softdrinks sa mga food chains na yun ang lalagyan ng coke softdrinks nila eh plastic cup na may logo ng coca-cola..diba diba diba?

*di ba may commercial ang del monte ketchup na may linyang ganito "ketchup please louie, no daddy first, we're going to the beach"...ang lupettttttttttttt...alala ko pa yan ha...

*inaabangan mo lagi ang batibot at akala mo magkakatuluyan sina kuya bodgie at ate sienna...at yung rainbow brite, my little pony at carebears, ay kabilang din sa mga listahan na pinapaood mo..at kapag carebears na alam mo kung paano kantahin ang theme song nila na "careberas countdown, 5-4-3-2-1"?

*nung elementary hanggang mag highschool na inaabangan mo din ba ang "doogie howser M.D", "beverly hills 90210", "melrose place" at ang "baywatch". yung unang unang baywatch andun pa si hobby na kasing edad ko nung mga panahong iyon (10 yrs old) at super crush ko.

*gumagamit ka ng AQUANET (spray net) para pataasin ang bangs mo? at PAGODA naman para sa pang kulot ng buhok?

*kewl (cool) ka kapag naka "tis" ang buhok mo at may bangs sa harap.

*naalala mo pa ba yung bagets nila aga muchlach, raymond lauchengco, herbert bautista, nadia montenegro, arelene muhlach at marami pang iba.

*eh yung smokey mountain na grupo, malala mo pa kaya sila kung marining mo yung kantang "kailan kaya, kailan mapapansin ang pusong bitin na bitin, kahit naong aking gawin di mo parin pansin:"

*di ba yung unang kanta na sumikat ni regine velasquez ay ang "Narito Ako"

*pumila ka din ba sa sinehan kasama ang nanay at tatay mo para mapanood ang "petrang kabayao" "captain barbel", "shake rattle and roll part 1, 2, 3", "she-man" at "starzan" kung saan sumikat din si ungga ayala.

*wala pa gaanong kumpetisyon sa mga channel stations nuon diba? basta ang alam ko mahilig ako manood pagkagaling ng school ng ana luna at aguila na soap opera sa hapon. at sa gabi naman ung 13-14-15 nina Carmina Villaruel, Ruffa Gutierez at Aiko Melendez. andun pa sila ana rocess, aljon jimenez, zoren legazpi at jeffrey santos eh.

*eh yung showcase sa channel 13 na palaging nagpapalabas ng mga hiyaaaaaaa (karate) movies starring bruce li at jacky chan.

*di ba yung okey ka fairy ko si alice dixon pa ang asawa ni bossing vic na taga lupa. eh yung palabas naman sa channel 9 na sampaguita pictures inaabanagn mo din ba yun sa hapon?

*meron kang blouse na may padding kung babae ka at meron kang sapatos na mighty kid kung lalake ka?

*nangongolekta ka ng paper stationaries at mahilig ka magpapirma sa slumbook mo para lang malaman mo kung sino ang crush ng type mo?

*di ba may nissins ramen noodles pa nuon, ngayon ba meron pa rin ba? at kapag maggi ang noodles soup mo ibig sabihin may pera ka.

*limot mo na ba ang ghost buster at ninja turtles?

*na-uso din nuon ung mga kisses na ang babango kolektahin at naniniwala tayo na totoong nanganganak ang kisses.

*kilala mo si manang bola at ang sitsiritsit girls? e si ate ging-ging at ate ning-ning ang magkapatid na sikat sa batibot?

*naaalala mo pa ba yung top gun? eh yung rocky part 1, 2 ,3 ,4 ni stallon?

*di ba sumikat ang movie na GHOST nuon kung saan bida si Demi Moore at Whoopy Goldberg. kasabay nun ang pagsikat ng Unchained Melody na kanta na ang buong akala ko eh new song, yun pala sabi ng mga magulang ko eh revival lang.

*eh yung pocketbook na Nancy drew at Hardy Boys? nagbabasa ka rin ba nun?

*idol mo si McGyver at nanonood kang perfect strangers? e yung night rider at quantum leap?

*eto malupet... six digits lang ba ang phone number nyo dati?

*nakakatawag ka pa sa pay phone ng 3 bentesingko lang ang dala?

*cute pa si aiza seguerra sa eat bulaga at alam mo ang song na "eh kasi bata"?

*inabutan mo ba na ang Magnolia Chocolait eh nasa glass bottle pa na ginagawang lalagyan ng tubig ng
nanay mo sa ref?

*meron kang pencil case na maraming compartments na pinagyayabang mo sa mga kaklase mo?

*noon mo pa hinahanap kung saan ang Goya Fun Factory?

*alam mo ang kantang "gloria labandera".. lumusong sha sa tubig ang paa ay nabasa at ang "1, 2, 3, asawa ni marie"... hehehehehe?

*sosyal ka pag may play-doh ka at Lego... at nag-iipon ka ng G.I. Joe action figures at iba pa ang mukha ni barbie doll noon?

*inabutan mo pa yung singkong korteng bulaklak at yung diyes na square?

*lumaki kang bobo dahil ang akala mo nangangagat talaga ang alimango sa kantang "tong-tong-tong pakitong kitong"...diba naninipit yun?

*meron kang kabisadong kanta ni andrew e na alam mo hanggang ngayon.. aminin? eh yung kay michael v at lady "d" na kanta? alam mo parin ba? di ba ung kay lady "d" na kanta parang ganito yun --- "sasasadami ng problema natin, sasakit ng ulo ng mamamayan" uuuuuuuy kinanta nya....

*bumibili ka ng tarzan, texas at bazooka bubble gum... tira-tira,cherry balls, at belekoy . eh yung white rabbit na kending may balat at pati balat pede kainin. diba yung nougat ang tigas tigas nun kainin pero sarap na sarap ka naman.

*takot ka dumating ang year 2000 dahil sabi nla magugunaw daw ang mundo.

KUNG ALAM MO LAHAT DITO LAGPAS KA NA NG 25 YEARS OLD... KAPAG HALOS LAHAT ALAM MO, NASA 23-25 KA...

WAG KA NA MAG DENY.. TUMAWA KA NA LANG... DIBA 75 CENTAVOS PA LANG PAMASAHE SA JEEP NUN AT ALAM KONG FAN KA DIN NG THA'S ENTERTAINMENT NINA KUYA GERMS.
 

.........

*may mga damit ka na U.S.E.D., Boy London, Cross, Colors, Esprit, Blowing Bubbles at pag nakakakita ka ng Bench na damit eh naalala mo si Richard Gomez?

*marunong ka mag wordstar at nakahawak ka na talaga ng 5.25 na floppy disk?

*alam mo ibig sabihin ng time space warp at di mo makakalimutan ang time space warp chant?

*alam mo lyrics ng "tinapang bangus" at "alagang-alaga namin si puti"?

*alam mo yung kwento ng pari na binigyan ng pera yung batang umakyat ng puno para bumili ng
panty... and shempre, alam mo rin ba kung ano binigay nya sa nanay nung umakyat ng puno?

*laging lampin ang sinasapin sa likod mo pag pinapawisan ka?